ایپك یولونون قره ملیگدن گئچمه سی

قره ملیک محله سینین اورتاسیندان بیر یول گئچیر کی محلی دیلده مایان یولو یا ایستانبول یولو دئیرلر. بو یول چوخ قدیمی بیر یول دور و قره ملگین تیکیلمسینده بویوک نقشی واریدیر و واردیر . بو یول موستقیم بیر یول ایله شرقیدن (بازاردان) غربه طرف (قره ملیگه) یولا دوشوب راستا کوچه ، گجیل ، قره آغاج ، آخونی دان گلیب چاتیر قره ملیگه . قره ملیگین اورتاسیندان گچیب اکین یئر لرینه طرف یولا دوشوب و نچه کیلومتیر دن سونرا کوجووار (کجآباد)ین اکین یئر لرینه گیریر و اوردان نچه کیلومتر دن سونرا یئتشیر آجی چایا و اوردان دا آتلاییب گونی ماحالینا وارید اولور سونرا دا قیزیل دیزجه و اوردان سونرا شبیستره وارید اولور و اوردان سونرا سلماس و اورمو یولون توتوب اوز یولونو باتییا ساری (تورکیه یه) ادامه وئریر.

بویول بویوک ایپک یولونون (جاده ابریشم) یولونون باتییا (غربه) گئدن اسکی یوللارین بیریدیر.بویولون کوکو دوغو آسیادان ، چین و هند دن باشلانیب و نچه مین ایللیک بیر یولدور کی باتییا یول توتوب دوغو آسیانی ، اورتا آسیانی و غرب آسیانی بیر بیرینه و نتیجه ده اوروپایا باغلاییر.بویول جوغرافیایی و ایقتیصادی جهتدن آذربایجانادا وارد اولوب و اوردان گئچیب و باتییا ساری یولا دوشر .آذربایجاندا دا آل وئر اوچون و غربه ساری گئتمک اوچون تبریز شهرینه وارید اولوب آل وئرینی ائدیب یولا دوشوی گئدر.

تبریزه گیرنده باشدا (شهرین گیریشینده) ، کاروان اهلی دوشوب حاماملاردا یویوناردیلار تا شهره اوزلریندن ناخوشلوق گتیرمه سین لر. یولون بویورونده کروانسرالار و مسجیدلر ده واریدیر تا موسلمانلار ناماز قیلیب و کروانسرالاردا یئییب-ایچیب و دینجلسین لر و حیوانلارینا یئم وئرسین لر.

بویول قره ملیگه یئتیشن دن سونرا اوز اوستونده چوخلو کروانسرالار ، حامام لار و قبیریستانلار و مسجیدلرده گؤرور کی شهرین اولینده کی حاماملار بونا خاطیر دیلر کی شهره وارید اولاندا ناخوش چیلیق گتیر مسین لر و شهرین سونداکی حاماملار بونا خاطیر دیلر کی شهریدن چیخاندا ناخوش چیلیق آپارماسینلار. بو حاماملارین بیری ده کی شهرین سونون دا قره ملیک محله سینده و تازاباغ آدلی بیر باغین اولیندئیدی کی تبریزین بویوک زلزله لرینین بیرینده باتیب و آرادان گئدیب و ایندی ایندیسینده قره ملیکلیلرین دیلینده اورا حامام یانی یادا حامام ایاغی دییرلر.

آیری موضوع دا کی واردیر مسجید لر دیر.قره ملیگین اسكی مسجید لری کی بو یولون اوستونده دیر بیری حاجی موراد مسجیدی(دسته مسجیدی) کی یولون یانیندا و ایکی کروانسرانین اورتاسیندادیر.

ایكینجی كربلایی قوربان مسجیدی دیر كی یاخین ایللرده طرحه دوشوب سؤكؤلدؤ.

آیری مسئله لردن بیری ده قبیریستانلیق لاردی . نئجه كی بولوسوز قبیریستانلیقلار همیشه یول اوستونده اولالار تا گلیب گئدن اؤلولره فاتحه وئریب رحمت اوخوسونلار. قره ملیكده كی بو قبیریستانلیقلار دا مایان یولونون (ایپك یولونون)اوستونده تشكیل تاپمیشدیرلار.

بیریسی ماشین سازی كارخاناسینی تیكنده طرحه دوشوب سؤكودلركی ایندی قره ملیگین جماعتی اورایا قبیریستان باشی دییرلركی بو آدینان باغلی بیر كوچه واردیر كی آدی اؤلولر دربندی دئرلركی قره ملیگین خلفلر و میدان طرفینده فوت الینلری بو دربندن قبیریستانلیقا گتیرلردیلر. ایكینجی قبیریستانلیق تازاباغین دیبینده ایدی كی (حامامین دیبینده) 35 متیر خیاوانین اوستونه دوشوب جماعت داخی سوكدولر و الؤلری بیر نچه متیریر اویانلیقدا قویدولار.

آیری موضوع كروانسرالاردیلار كی قره ملیك ده ایندی ده قالیرلار.مونتاها چوخ دگیشیب لر.

ایندیه جن قره ملیك ده اوچ ده نه كروانسرا واردیر كی 1- حاجی ابیل نامی كروانسراسی 2-دایی یوسوف نامی كروانسراسی 3- آشاغی كوچه ده كی كروانسرا

بو كروانسرالاردا یول چولار یئنیب دینجلیب و گئجه نی قالاردیلار و بودوكی دئیه بیلیریك كی كروانسرالارین تاریخی یولون تاریخیله باغلیدیر.

آخیردا بونی دیریم كی قره ملیكین بوتون یوللاری آخیردا بویولا قاریشیر.

برگرفته از :  http://www.qaramalik.blogfa.com